New Naat lyrics in urdu -حالات کی سختی سے پریشاں نہ ہوا کر بس سامنے آقاﷺ کے وہ حالات رکھا کر - احمد اللہ چترالی 2023

 نعت رسول پاکﷺ

حالات کی سختی سے پریشاں نہ ہوا کر

بس سامنے آقاﷺ کے وہ حالات رکھا کر

الفت ہو عداوت ہو جزا ہو کہ صلہ ہو

تو نقشِ قدم پر ہی محمدﷺکے چلا کر

چلتے ہوئے رستے پہ بھی آقاﷺ کو کرو یاد

ممکن نہ ہو ہونٹوں سے تو پتھر کو ہٹا کر

دنیا کی امامت ملے گی آج بھی سن لے

جس پر چلے آقاﷺ ہیں اسی رہ پہ چلا کر

محشر میں بھی مولا کریں اونچا مرے سر کو

کوثر شہِ ابرارؐ کے ہاتھوں سے پلا کر

چاہت ہے کہ اٹھوں اے خدا شہر نبی سے

دے موت کا تحفہ مجھے طیبہ میں بلا کر

حاصل سبھی کو ہوتا کہاں شرفِ زیارت ؟

اس کے لیے مولا سے تو رو رو کے دعا کر

دیدارِ رُخِ یارِ خدا کی ہو تمنا

نعتوں کو پھر احمد تو محبت سے لکھا کر

احمد اللہ چترالی