New Naat lyrics in urdu - دھڑکنوں کی صدا مصطفیٰ مصطفیٰﷺ - Asim Bashir Awaisi 2022

ذِکر مصطفیٰﷺ

* دھڑکنوں کی صدا مصطفیٰ مصطفیٰ

جنتوں کی عطا مصطفیٰ مصطفیٰ

* رحمتوں کی گھٹائیں حرم دیکھ کر

اپنی ہستی پہ انکا کرم دیکھ کر

مرے دل سے اٹھا مصطفیٰ مصطفیٰ

* بے کسوں بے بسوں اور گنا گاروں کو

حشر کے روز سارے خطا کاروں کو

آپ کا آسرا مصطفیٰ مصطفیٰ

* آپ ہیں کل خدائی پہ اَبرِ کرم

آپ ہی کے کرم سے ہے سب کا بھرم

رحمت کبریا مصطفیٰ مصطفیٰ

* مرتبہ آپ کا کون جانے یہاں

آپ ہی کے لئے ہیں یہ کون و مکاں

اے حبیب خدا مصطفیٰ مصطفیٰ

* دین حق کے لئے ہر ستم کو سہا

بار ہا آپ کا خون اطہر بہا

اے رسول خدا مصطفیٰ مصطفیٰ

* معجزا آپ کا منکروں نے سنا

بند مٹھی میں بھی پتھروں نے کہا

حق نگر حق نما مصطفیٰ مصطفیٰ

* آپ کی شان دونوں جہاں میں جدا

آپ ہی کی ہے سنت سے راضی خدا

جن سے راضی خدا مصطفیٰ مصطفیٰ

* محفلیں آپ کی ہیں زمیں آسماں

بزم نورو ملک کو سجا کے وہاں

خد پکارے خدا مصطفیٰ مصطفیٰ

* نور عرفاں سے بھی روشناسا کیا

آپ ہی نے ہمیں حق شناسا کیا

آپ نور الہدا مصطفیٰ مصطفیٰ

* عرش پر آپ کا ایسہ چرچہ ہوا

نوریان فلک نے بھی مل کر کہا

مرحبا مرحبا مصطفی مصطفی

* نام سے آپ کے بھی ہے ملتی شفا

آپ کا اسم ہے اسم مشکل کشا

درد دل کی دوا مصطفیٰ مصطفیٰ

کلام:- عاصم بشیر اویسی