New Naat lyrics in urdu - نبیﷺلاج والے - Asim Bashir Awaisi 2022

نبیﷺلاج والے

نبی کے گدا ہیں سبھی تاج والے

ہمارے نبی ہیں بڑی لاج والے

حکومت ہے فانی ہے فانی یہ دنیا

وہی ہیں حقیقت وہی راج والے

غلامان آقا فقیر حرم تھے

نبی کی لگن سے ہوئے راج والے

خدا نے بھی دیدار بخشا ہے جنکو

وہ آقا ہمارے ہیں معراج والے

نبی کے ذکر سے ہے محفل سجائی

بہت با کرم ہیں کرم آج والے

امامت انہوں نے کرائی فلک پر

وہ سارے نبییوں کے سرتاج والے

انہی سے سویرے انہی سے اجالے

انہی کو پکاریں شب داج والے

نبی کی محبت کو دل میں بسا لے

نہ باقی رہیں گے یہ دکھ آج والے

جو چھوڑو گے سنت تو بھٹکے رہو گے

کنارا تو پائیں گے منہاج والے

صحابہ کا ایسا تھا ایمان کامل

کہ دشمن پچھاڑے تھے افواج والے

ہے دنیا کی لالچ نہ کوئی تقاضہ

وہ سیرت کی پاکیزہ ازواج والے

وہی تو غریبوں کے والی ہیں عاصم

کدھر جاتے ورنہ یہ محتاج والے

کلام:- عاصم بشیر اویسی